Borðað á Borginni

Í gærkveld var ég þess heiðurs aðnjótandi að vera boðið að borða á Borginni. Aldrei áður hafði ég sveitalubbinn orðið svo fræg að snæða á þessum margfræga stað sem að því er mér skilst hefur gegnið í gegnum nokkur misgóð tímabil. Ef þið vitið það ekki nú þegar virðist Borgin vera uppá sitt besta um þessar mundir amk. hvað varðar það sem þar er framreitt. Á ýmsu var smakkað, kengúrukjöt og dádýrakjöt, hrár lax með wasabi ís, salfiskur sem ég hef aldrei smakkað betri og dásamlegir dessertar tveir. Ef þið leitið að góðum stað fyrir galadinner er Borgin málið, hreint út sagt frábært.

Nú bíður maður bara eftir að annað nýtt sýklalyf komi á markaðinn og verði boðið á Borgina á ný.

Athugasemdir

[HP Foss, 11.3.2007 kl. 21:25]

Passaðu þig bara að láta ekki plata þig út í vitleysu, notaðu frekar lyfin frá okkur. Þau eru fín og ég skal bjóða þér í pulsur.

[Kristín Jónsdóttir, 12.3.2007 kl. 19:28]

Þó að pulsur séu nú ágætar þá standast þær varla samanburðinn við kengúruketið sem var ansi gott. En ég vænti þess að bið verði á næsta boði enda ekki daglegt brauð að fá nýtt sýklalyf komi á markaðinn. Þegar hungrið sverfur að verður því gott að eiga inni boðið hjá þér Helgi með pulsurnar!

Lítið var nú dansað á laugardagskveldið en þeim mun meira etið og skrafað. Það kom því ekki að sök þó setið væri á svörtum skóm. Vonandi fannst þú Halla einhverjar vænar bomsur fyrir þig.