Jæja

.... er nú ekki mál að láta aðeins í sér heyra hér. Það er ekkert gaman að lesa eitthvert afsökunarvæl á blogginu um hvað allir hafa lítinn tíma til að skrifa svo ég segi bara, forgangsröðun mín á mikilvægi hluta í lífinu skín í gegn hér á blogginu, það er, var og verður víst aftast á aðgerðalistanum.

Það er gaman þegar það er svona mikið að gera, þá kemur maður hlutunum í verk því skipulagið verður að vera gott. Skólinn er rosalega skemmtilegur og vinnuálagið er alveg í botni núna vegna verkefnaskila. Í vinnunni eru mörg verkefni í fullum gangi og svo mikið um fundahöld að maður nær ekki að vinna allt það sem ákveðið er á öllum fundunum. Svo er það heimilið, heilsuræktin og litla fjölskyldan sem einnig þarf sína athygli. En ég segi bara eins og Jón í Dalalífi "I love it"